Соода тармагынан ресторан бизнесине чейинки жол
Гүлмира Токторбаева: Ресторан бизнесиндеги ийгиликтүү айымдын окуясы
Талыкпаган эмгек, талант жана ишкердик жашоону кандайча өзгөртүп, аларды гүлдөтүүгө жардам берери тууралуу бизнес дүйнөсүндө көптөгөн окуялар бар. Ушундай шыктандырган окуялардын бири Кыргызстандан Москвага келип, ресторандык тейлөө тармагында өзүнүн ийгиликтүү бизнесин түзгөн
Гүлмира Токторбаеванын окуясы.
1
Ийгиликке жол
Гүлмира Токторбаева 1964-жылы 30-мартта Кыргызстандын Ош облусунун Кара-Суу районунда төрөлүп, Кара-Кулжа районунун келини болгон. 1998-жылы ал жакшы жашоо издеп Москвага көчүүнү чечкен. Ал кезде Кыргызстанда экономикалык оор шарттар түзүлүп, көптөгөн адамдар өзүн-өзү багуу мүмкүнчүлүгүн чет өлкөдөн издөөгө аргасыз болгон.
Алардын алгачкы бизнеси соода менен байланышкан, бирок Гүлмира ресторан бизнесинин дүйнөсүндө чоң потенциал бар экенин байкаган. Москвадагы «МОССТРОЙ» курулуш компаниясынын ашканасында иштеп, тамак-ашты даярдоо жана тейлөө боюнча тажрыйба топтогон. Бул окуя аны өзүнүн ресторанын ачууга шыктандырган.
Алардын алгачкы бизнеси соода менен байланышкан, бирок Гүлмира ресторан бизнесинин дүйнөсүндө чоң потенциал бар экенин байкаган. Москвадагы «МОССТРОЙ» курулуш компаниясынын ашканасында иштеп, тамак-ашты даярдоо жана тейлөө боюнча тажрыйба топтогон. Бул окуя аны өзүнүн ресторанын ачууга шыктандырган.
«Москвадагы сапарымдын башында соода жана ашпозчулук сыяктуу түрдүү тармактарда иштедим. Тамак-аш бизнесинин чоң потенциалы бар экенин байкай алдым. Ошентип, менин карьерам ресторан бизнесинде башталды.»
Гүлмира Токторбаева
Жеке ишкер
2
Бизнести өнүктүрүү
Алгачкы "Эшел" ресторанынан Гүлмира Токторбаева өзүнүн ишкердик сапарын баштады. Бул ийгиликтүү башталгандан көп өтпөй ал "Фортуна 1" жана "Фортуна 2" ресторандарын ачты. Анын өжөрлүгү, жаратмандыгы жана тейлөө сапатын жакшыртууга болгон каалоосу ага көптөгөн кардарлардын ишенимине ээ болуп, Москванын ресторан индустриясында өзүнүн атын таанытты.
Учурда "ЭГОМАНИЯ" ресторанын ийгиликтүү иштетип келем. Ресторан бизнесинде эң негизгиси кардарлар.. Ошондуктан, дайыма кардарлардын канааттануусун биринчи орунга коём. Ар бир конокту жылмайып, жылуу сөздөр менен тосуп алып, жылуу маанай тартуулоого умтулам.
Гүлмира Токторбаева
Жеке ишкер
Фортуна 1 кафеси
Жердештеримдин жакшылыгына жар болуу мени бактылуу кылат
Азыркы учурда иштетип жаткан Эгомания рестораны
Бизнесте эң негизгиси бул-кардарлар. Кардар дайыма ыраазы болушу керек. Ар бир кардарды жылмайып, жылуу сөздөр менен тосуп алам. Эс алууга, тамактанууга келген адамдарды жактырбай коюуга болбойт.
3
Ийгиликтин формуласы
Гүлмира Токторбаеванын ийгиликтүү ресторан бизнесинин негизги элементтери атмосфера, тазалык, интерьер дизайны жана албетте, берилген тамактын сапаты деп эсептейт. Анын ресторандарындагы бардык тамактар жаңы ингредиенттерди колдонуу менен даярдалат, түстүү тартууланат жана тыкан берилет. Гүлмира идиш-аяктардын сапатына жана даамы боюнча көзөмөлгө алууга чоң маани берет.
Колдоо жана ыраазычылык
Гүлмира Токторбаева дагы анын ресторандарына келген жердештеринин жана жергиликтүү тургундардын колдоосун жогору баалайт. Ал Орусиядагы мыйзамдар жана ченемдик-укуктук актылар эффективдүү иштээрин, эгер алар аткарылса, мигранттар колдоо жана мактоо аларын баса белгиледи.
Мындан тышкары Гүлмира коомчулукка колдоо көрсөтүү, жардамга муктаж адамдарга жардам берүү менен активдүү алектенет. Анын бизнеси жумуш орундарын түзүп, өлкөнүн экономикасына салым кошууда.
Мындан тышкары Гүлмира коомчулукка колдоо көрсөтүү, жардамга муктаж адамдарга жардам берүү менен активдүү алектенет. Анын бизнеси жумуш орундарын түзүп, өлкөнүн экономикасына салым кошууда.
Талыкпаган эмгектин артындагы ийгилик
“
Мамлекетибиздин өсүп-өнүгүшүнө ар бирибиз салым кошуубуз керек. Кыргыз элибиз ыйык эл, ата-бабаларыбыз кыйын болгон, ошондуктан элибиз өзүн өзү багып, мамлекетибиздин өнүгүүсү үчүн капчыгыбызга, мамлекеттик казынабызга, келечек муунга пайда алып келе турган чоң иштерди жасай алабыз.
Ишкер айымдарды колдоо
Гүлмира Токторбаева – бизнесте ийгиликтүү айымдын үлгүсү, бул көпчүлүктү шыктандырат. Ал сабырдуу жана талыкпаган эмгек таасирдүү натыйжаларга алып келет деп ырастап, ресторан тармагында өз сапарын баштоону каалаган башка аялдарды колдойт.
Келечекке инвестиция
Сөзүнүн аягында Гүлмира Токторбаева Кыргызстандын ар бир жаранын жана Москвадагы мекендештерди өз өлкөсүнүн өсүп-өнүгүшүнө салым кошууга чакырат. Ал кыргыз эли ынтымактуу, эмгекчил эл экенин, бирге гана урпактарынын бакубат келечегин түзө аларын баса белгилейт.
Сөзүнүн аягында Гүлмира Токторбаева Кыргызстандын ар бир жаранын жана Москвадагы мекендештерди өз өлкөсүнүн өсүп-өнүгүшүнө салым кошууга чакырат. Ал кыргыз эли ынтымактуу, эмгекчил эл экенин, бирге гана урпактарынын бакубат келечегин түзө аларын баса белгилейт.
Гулмира Токторбаева
Гүлмиранын жашоосунда үй бүлө ар дайым маанилүү роль ойнойт. Ал жолдошу Шайлообек Каримов менен бирге беш баланы тарбиялап, он үч неберенин чоң энеси болду. Алардын окуясы үй-бүлөнүн колдоосу жана тилектештиги эң оор кыйынчылыктарды жеңүүгө жардам берерин далилдейт. Үй бүлө беш баланы Москвада чоңойтуп, жогорку окуу жайда окутуп, турмуш сапарларына узатышкан.
Гүлмира Токторбаеванын баяны – өжөрлүктүн, берилгендиктин, өзүнө болгон ишенимдин баяны. Анын ресторан бизнесинин дүйнөсүндө ийгиликке жетүү жолу өз ишканасына ээ болууну кыялданган көптөгөн аялдарга шыктануу болуп саналат. Анын иш философиясы, кардарларга көңүл бурушу жана социалдык жоопкерчилиги аны ийгиликтүү ишкер гана эмес, үлгүлүү да кылат. Гүлмира Токторбаева кайсы жерден чыкпасын, жашооңдо кандай кыйынчылыктарга туш келсең да, талыкпаган эмгек, жан-дили менен иштөө чоң натыйжаларга алып келерин далилдейт.
